जसपाले एमसीसीबारे आज निर्णय लिने

१४ फागुन काठमाडौं । जनता समाजवादी पार्टी जसपाले अमेरिकी सहयोग परियोजना एमसीसीबारे आज निर्णय लिने भएको छ।

जारी केन्द्रीय कार्यकारिणी समिति बैठकको आजको मूल एजेन्डा नै एमसीसी राखिएको छ। शुक्रबारदेखि ललितपुरमा सुरु भएको बैठकमा कार्यकारिणी सदस्यहरुलाई एमसीसी सम्झौताको कपी अध्ययनका लागि वितरण गरिएको थियो।

पार्टीका संघीय परिषद् अध्यक्ष डा. बाबुराम भट्टराई समूह एमसीसी पास गराउनुपर्ने पक्षमा छ भने अध्यक्ष उपेन्द्र यादव मौन रहेका छन्।

जसपामा हाल कायम १९ जना सांसद छन् । जसपाबाट छुट्टिएर बनेको लोकतान्त्रिक समाजवादी पार्टी लोसपाले भने एमसीसीको पक्षमा उभिने निर्णय गरिसकेको छ।