ओलीले एमसीसीबारे आज आफ्नो धारणा सार्वजनिक गर्दै

१७ फागुन काठमाडौं । नेकपा एमालेले एमसीसीका सम्बन्धमा मंगलबार आफ्नो धारणा सार्वजनिक गर्ने भएको छ ।

संसदबाट एमसीसी पारित भएपछि मात्रै प्रमुख प्रतिपक्षी दल नेकपा एमालेले आफ्नो आधिकारिक धारणा सार्वजनिक गर्न लागेको हो ।

त्यसका लागि एमालेले मंगलबार दिउँसो १ बजे भक्तपुरको गठ्ठाघरमा पत्रकार सम्मेलन आयोजना गरेको छ । पत्रकार सम्मेलनमा अध्यक्ष केपी ओलीले पार्टीको धारणा सार्वजनिक गर्ने छन् ।

एमसीसी गएको आइतबार संसदबाट अनुमोदन भएको हो । संसदमा अवरोध गर्दै आएको एमालेले एमसीसी पारित हुने क्रममा पनि नाराबाजी गरेको थियो ।