रुपन्देहीको बेलहिया नाका आजदेखि ४८ घण्टा बन्द हुने

१७ फागुन बुटवल । रुपन्देहीको सीमा नाका बेलहिया आजदेखि ४८ घण्टा बन्द हुँदैछ ।

भारतको महाराजगञ्ज जिल्लासँग जोडिएका रुपन्देहीका बेलहिया लगायतका सीमा नाका आज बेलुका ६ बजेदेखि पर्सि बेलुका ६ बजेसम्म २ दिन बन्द हुने रुपन्देहीका सहायक प्रमुख जिल्ला अधिकारी कमलप्रसाद पाण्डेले जानकारी दिए ।

भारतको उत्तर प्रदेशमा रहेको महाराजगञ्ज जिल्लामा पर्सि विधान सभाको चुनाव हुँदैछ । चुनावी सुरक्षालाई ध्यान दिँदै भारतीय पक्षको आग्रहमा सीमा नाका बन्द गर्न लागिएको सहायक प्रमुख जिल्ला अधिकारी पाण्डेले बताए।