एडीबीएलले पठायो बोनस शेयर शेयरधनीको डिम्याट खातामा

१८ फागुन, काठमाडौं । कृषि विकास बैंकले बोनस शेयर सम्बन्धित शेयरधनीको डिम्याट खातामा जम्मा गरिदिएको छ । बैंकले २० प्रतिशत बोनस शेयर शेयरधनीको डिम्याट खातामा पठाएको हो ।

बैंकले पुस १५ गतेसम्म शेयर डिम्याट गराएकाहरुको बोनस शेयर खातामा पठाइदिएको हो । पुस १५ गतेपछि डिम्याट गर्नेहरुको बोनस सेयर पनि खातामै जम्मा गर्ने तयारी भइरहेको बैंकले जानकारी दिएको छ ।

तर अहिलेसम्म पनि डिम्याट नगरेकाहरुले खातामा बोनस शेयर पाउनका लागि पहिला आफूसँग भएको भौतिक प्रमाणपत्र डिम्याट गर्नुपर्नेछ । अनिमात्र बोनस जम्मा गरीने बैंकले जनाएको छ ।

कृषि विकास बैंकको पुस २९ गते सम्पन्न सभाले गत आर्थिक वर्षको नाफाबाट २० प्रतिशत बोनस शेयर कर प्रयोजनार्थ १.०५ प्रतिशत नगद लाभांश वितरण गर्ने प्रस्ताव पारित गरेको थियो ।