कांग्रेस अछाम अधिवेशनः ४ जना पदाधिकारीका लागि १९ जनाको उम्मेदवारी

♦कल्पना बोहरा

२० फागुन, अछाम । नेपाली कांग्रेस अछामको जिल्ला अधिवेशनका उम्मेदवारहरुको मनोनयन प्रक्रिया सकिएको छ । निर्वाचन समितिले जिल्ला अधिवेशनबाट निर्वाचित हुने कार्यसमिति र महासमिति सदस्यहरुको अन्तिम नामावली प्रकाशन गरेको छ । ७ औँ जिल्ला अधिवेशन अन्तर्गत सभापति पदका लागि ३ जनाको उम्मेदवारी परेको छ ।

पूर्व पार्टी सभापति पुष्पबहादुर शाह, वर्तमान सभापति भरतकुमार स्वाँर र नेविसंघ अछामका पूर्व अध्यक्ष राजन कुवँरको सभापतिमा उम्मेदवारी परेको हो । सभापतिका उम्मेदवार शाह क्षेत्र नं. २ बाट एक्लो उम्मेदवार हुन भने क्षेत्र नं. १ बाट स्वाँर र कुवँरले उम्मेदवारी दर्ता गराका हुन् ।

उपसभापतिमा आवश्यक २ पदका लागि ५ जनाको उम्मेदवारी परेको छ । जसमा चन्द्रप्रसाद ढुंगाना, टेकबहादुर साँउद, धनबहादुर शाह, नयाँराम बजगाई र ललितबहादुर कुवँरले उम्मेदवारी दर्ता गराएका छन् । उपसभापतिमा ढुंगाना र बजगाँई क्षेत्र नं. २ बाट हुन् भने क्षेत्र नं. १ बाट साउद, शाह र कुवँरको उम्मेदवारी कायम भएको छ ।

जिल्ला सचिव २ जनाको लागि ६ जनाको उम्मेदवारी परेको छ । अनिलकुमार बिष्ट, टक्कर बहादुर शाह, नरेन्द्र बहादुर कुवँर, पुष्प बहादुर बिष्ट, प्रकाश बहादुर साउद र सुरत बहादुर बुढथापाको उम्मेदवारी परेको छ । सचिवमा दुबै क्षेत्रबाट ३र३ जनाको उम्मेदवारी कायम भएको छ । यस्तै सहसचिव २ जनाको लागि ५ जनाको उम्मेदवारी परेको छ । खगेन्द्र बहादुर खड्का, गोबिन्द बहादुर बिष्ट, दिनेश कुमार स्वाँर, ललित बहादुर साउद र हिक्मत बहादुर धामीको उम्मेदवारी कायम रहेको छ । जिल्ला कार्य समिति सदस्य खस आर्य ६ पुरुषतर्फ जनाको लागि २१ जनाको उम्मेदवारी परेको छ ।

खस आर्य महिला सदस्यमा ५ जनामा ५ जनाको मात्रै उम्मेदवारी परेकाले उनीहरु सबै निर्विरोध निर्वाचित भएका छन् । दलित सदस्य पुरुषतर्फ ६ र महिलातर्फ २ जनाले उम्मेदवारी दिएका छन् । भूगोतर्फ मंगलसेन नगरपालिकामा ६ जना, साँफेबगरबाट ४ जना, चौरपाटीबाट २ जना, मेल्लेखबाट २ जना, बान्नीगढी जयगढबाट ४ जना, रामारोशनबाट ५ जना, कमलबजारबाट ५ जना, पञ्चदेवल बिनायक बाट ६ जना, तुर्माखाँदबाट ४ जना र ढकारीबाट ३ जनाको उम्मेदवारी परेको छ ।