कैलाली कारागारमा एक थुनुवाको मृत्यु

२१ फागुन कैलाली । कैलाली कारागारमा थुनामा रहेका एक युवकको मृत्यु भएको छ ।

घोडाघोडी नगरपालिका ३ का २० वर्षीय श्यामबहादुर थापा मगरको मृत्यु भएको कैलाली कारागारले जनाएको छ । जेलर नरबहादुर थापाले सेती प्रादेशिक अस्पतालको आईसीयुमा राखेर उपचार गराइरहेका थापामगरको शुक्रबार राति मृत्यु भएको जानकारी दिए ।

लागुऔषध मुद्दामा पुर्पक्षका लागि उनी थुनामा परेका थिए ।