बालाजुमा रहेको तरकारी बजारमा आगलागी, ६० बढी पसलमा क्षति

२२ फागुन काठमाडौं । बालाजु ढुङ्गेधारा चोक नजिकै रहेको तरकारी बजारमा आगलागी भएको छ ।

गएराति सवा १२ बजे लागेको आगलागीबाट त्यहाँ रहेका ६० देखि ७० वटा पसलमा नोक्सानी भएको प्रहरीले जनाएको छ । ६० देखि ७० वटा स्टल रहेको एउटा टहरोमा आगो लागेको महानगरीय प्रहरी वृत्त बालाजुले जनाएको छ । आगो पाँच वटा दमकलको सहयोगमा राति १ बजेतिर नै निभाइएको छ ।

आगलागीको कारण खुल्न बाँकी छ । यस्तै, क्षतिको विवरण सङ्कलन भइरहेको महानगरीय प्रहरी वृत्त बालाजुले जनाएको छ ।