वाणिज्य बैंकको निक्षेप घट्यो, कति पुग्यो सीडी रेसियो ?

२२ फागुन, काठमाडौं । पछिल्लो एक सातमा वाणिज्य बैंकको निक्षेप संकलन घटेको छ । एक सातमा वाणिज्य बैंकको निक्षेप १ अर्बले घटेको हो। बैंकहरूको कर्जा लगानी भने स्थिर रहेको छ । नेपाल राष्ट्र बैंकले सार्वजनिक गरेको तथ्यांक अनुसार बैंकहरूको निक्षेप संकलन घट्दा कर्जा लगानी स्थिर रहेको हो ।

फागुन १९ गतेसाँ वाणिज्य बैंकहरुले ४३ खर्ब १७ अर्ब रुपैयाँ निक्षेप संकलन गरेका छन् । बैंकहरूको निक्षेप एक अर्बले घटेको हो । फागुन १६ गतेसम्म वाणिज्य बैंकहरूले ४३ खर्ब १८ अर्ब रुपैयाँ निक्षेप संकलन गरेका थिए ।

त्यसैगरी, वाणिज्य बैंकहरुको कर्जा लगानी ४१ खर्ब ६८ अर्ब रुपैयाँ पुगेको छ ।

बैंकहरूको निक्षेप घट्दा सीडी रेसियो बढेको छ । फागुन १६ गते औसतमा ९०.३६ प्रतिशत रहेको सीडी रेसियो फागुन १८ गतेसम्ममा बढेर ९०.३९ प्रतिशत पुगको छ।