मेगा बैंकले ल्यायो संस्थापक शेयर बिक्रीमा

२३ फागुन, काठमाडौं । मेगा बैंक नेपालले संस्थापक शेयर बिक्रीमा ल्याएको छ । बैंकले बिक्रीमा ल्याएको संस्थापक शेयर शेयरधनी बाहेक अन्य व्यक्ति तथा संस्थाले खरीद गर्न पाउने भएका हुन् ।

बैंकले माघ १२ गतेदेखि विद्यमान संस्थापक शेयरधनीहरुले मात्र खरीद गर्न पाउने गरी शेयर विक्रीको लागि ३५ दिने विक्रीको सूचना आह्वान गरेकोमा उक्त समयमा कुनै संस्थापकबाट लिखित जानकारी नआएकोले कम्पनीले संस्थापक बाहेक अन्य व्यक्ति तथा संस्थाको लागि पुनः ७ दिने सूचना जारी गरेको हो ।

उक्त शेयर खरीदका लागि ७ दिनभित्र विद्यमान संस्थापक शेयरधनीहरुले बैंकको केन्द्रीय कार्यालय कमलादी, काठमाडौंमा निवेदन पेश गर्नु पर्नेछ ।