सुनसरीमा करेन्ट लागेर एक जनाको मृत्यु

२३ फागुन सुनसरी । सुनसरीमा करेन्ट लागेर एक जनाको मृत्यु भएको छ।

धरान उपमहानगरपालिका १५ कृष्णापथ पुष्पाञ्जली मार्गमा करेन्ट लागेर ३५ वर्षीय मौसम प्रधानको मृत्यु भएको प्रहरीले जनाएको छ। आइतबार बेलुका ६ बजे पदम बहादुर गुरुङको घरमा ट्रस लगाउने क्रममा अचानक करेण्ट लागि छतबाट भुइँमा लडी घाइते भएका उनको उपचारको लागि धरानको घोपा अस्पताल पठाएकोमा उपचारको क्रममा मृत्यु भएको सुनसरी प्रहरीले जनाएको छ।

घटनाको जानकारी पाएलगतै घटनास्थल पुगेको वडा प्रहरी कार्यालय धरानले थप अनुसन्धान गरिरहेको जनाएको छ।