पछिल्ला घटनाक्रमको समीक्षा गर्न एकीकृत समाजवादीको बैठक बस्दै

२५ फागुन, काठमाडौं । पछिल्ला राजनीतिक घटनाक्रमहरुको समीक्षा गर्न नेपाल कम्युनिष्ट पार्टी (एकीकृत समाजवादी) को केन्द्रीय कमिटीे बैठक आज बस्दैछ ।

बबरमहलस्थित कार्की ब्याङ्क्वेटमा बिहान ११ बजे सुरु हुने एकीकृत समाजवादीको बैठक दुई दिनसम्म चल्ने छ । बैठकमा अध्यक्ष माधवकुमार नेपाले पछिल्लो राजनीतिक घटनाक्रमको समीक्षा र भावी कार्ययोजना समेटिएको राजनीतिक प्रतिवेदन पेस गर्ने र सोही प्रतिवेदनमाथि छलफल हुने नेताहरूले बताएका छन् ।

पार्टीले आगामी स्थानीय तह निर्वाचनका सन्दर्भमा लिइने रणनीति र सदनबाट पारित अमेरिकी सहयोग अनुदान मिलेनियम च्यालेञ्ज कर्पाेरेसन (एमसिसी) नेपाल कम्प्याक्टका विषयमा पनि बैठकमा छलफल हुने बताइएको छ ।