पाकिस्तानी प्रधानमन्त्री खानविरुद्ध अविश्वासको प्रस्ताव पेस

२५ फागुन, काठमाडौं । पाकिस्तानका प्रधानमन्त्री इमरान खानविरुद्ध अविश्वासको प्रस्ताव पेस भएको छ । विपक्षी दलहरुको गठबन्धन पाकिस्तान डेमोक्रेटिक मुभमेन्ट (पीडीएम)ले प्रधानमन्त्री खानविरुद्ध अविश्वास प्रस्ताव पेस गरेको हो ।

लाहोरमा केही दिनअघि बसेको मुभमेन्टको बैठकले वर्तमान सरकारलाई अवैध भन्दै अविश्वास प्रस्ताव पेस गर्नुपर्ने निर्णय गरेको थियो ।

यसका लागि सबै सहयोगी दलहरुसँग सम्पर्क गर्ने र सरकारको समर्थन फिर्ता लिन आह्वान गर्ने बैठकको निर्णय अनुसार अविश्वासको प्रस्ताव पेस भएको हो ।