स्थानीय तहको निर्वाचनबारे कांग्रेसले पत्रकार सम्मेलन गर्दै

२५ फागुन, काठमाडौं । स्थानीय तहको निर्वाचन सम्बन्धमा आम जनतालाई जानकारी गराउन नेपाली कांग्रेसले आज बुधवार पत्रकार सम्मेलनको आयोजना गरेको छ ।

कांग्रेस केन्द्रीय कार्यालयका मुख्यसचिव कृष्णप्रसाद पौडेलले दिएको जानकारी अनुसार कांग्रेस सभापति शेरबहादुर देउवाले स्थानीय तह निर्वाचनबारे पार्टीले गर्न लागेको ‘एक महिने अभियानबारे जानकारी पत्रकार सम्मेलनमार्फत दिनेछन् ।

दिउँसो ३ बजे सभापति देउवाले पार्टी कार्यालय सानेपामा पत्रकार सम्मेलनको आयोजना गरेको मुख्यसचिव पौडेलको भनाई छ । कांग्रेसले यही फागुन २९ गतेदेखि चैत २९ गतेसम्म ‘घरघर जाऔं,कांग्रेस जिताऔँ’ अभियान सञ्चालन गर्दैछ ।