प्रधानमन्त्री देउवा र फ्रान्सेली संसदीय टोलीबीच बालुवाटारमा भेटवार्ता

२५ फागुन, काठमाडौं ।  फ्रान्स–नेपाल संसदीय मैत्री समूहको प्रतिनिधि टोलीले प्रधानमन्त्री शेरबहादुर देउवासँग भेटवार्ता गरेको छ ।

नेपाल र फ्रन्स सम्बन्ध, आर्थिक सहायताको आदान-प्रदान र विश्वमा भइरहेका पछिल्ला विविध घटनाका विषयमा छलफल भएको बताइएको छ । समूहका अध्यक्ष भेरोनिक राइटोनको नेतृत्वको टोलीले बुधवार बालुवाटार पुगेर प्रधानमन्त्री देउवासँग छलफल गरेको हो ।

छलफलमा आगामी दिनमा फ्रान्स सरकारले नेपाल सरकारप्रति गर्न सक्ने सहयोगहरुका वियामा के कस्ता रणनीतिहरु तयार गर्न सकिन्नछ भन्ने विषयमा पनि छलफल भएको बताइएको छ ।

रुसले युक्रेनमाथि गरेको शैनिक हमलाका कारण विश्वमा त्यसले पारिरहेको प्रभाव र नेपालमा हुन गइरहेको निर्वाचन र नेपाल–फ्रान्स द्विपक्षीय सम्बन्ध प्रवद्र्धनका विषयमा छलफल भएको प्रधानमन्त्रीको निजि सचिवालयले जनाएको छ ।