गठबन्धनबारे केन्द्रीय समितिको निर्णय मात्रै आधिकारिक हुन्छः कांग्रेस उपसभापति खड्का

२५ फागुन, काठमाडौं ।  नेपाली कांग्रेसका उपसभापति पूर्णबहादुर खड्काले स्थानीय तह निर्वाचनमा गठबन्धन गर्ने वा नगर्ने भन्ने विषयलाई पार्टीको केन्द्रीय कार्यसमितिले आधिकारिक निर्णय गर्ने बताएका छन् ।

बुधबार नेपाली कांग्रेसले आयोजना गरेको पत्रकार सम्मेलनमा खड्काले केन्द्रीय समिति बैठकले निर्णय नगर्दासम्म कांग्रेसका कार्यकर्तालाई गठबन्धनको विषयमा कुनै निर्देशन वा आग्रह नगरिने बताए ।

उनले केन्द्रीय समिति र कार्यसम्पादन समितिले निर्णय गरेपछि मात्र यो विषयमा छलफल गरिने र ‘गठबन्धन हुन्छ कि हुँदैन भनेर अहिले नै छलफलको विषय नबनाएको बताए । अहिले नै छलफल गर्नु अपरिपक्व हुने उनको भनाई छ ।

कांग्रेसले २९ फागुनदेखि एक महिनासम्म सञ्चालन गर्ने चुनाव प्रचार अभियानका विषयमा गठबन्धनको विषयमा कुनै कुरा नगरिने पपनि उपसभापति खड्काले बताए ।