व्यवसायीले एमसीसी परियोजनाका ठेक्कामा हिम्मत देखाउनुपर्छः प्रधानमन्त्री देउवा

२७ फागुन, काठमाडौं ।  प्रधानमन्त्री एवं नेपाली कांग्रेसका सभापति शेरबहादुर देउबाले एमसीसी परियोजनाका ठेक्कामा चासो राख्न निर्माण व्यवसायीलाई आग्रह गरेका छन् । देउवाले एमसीसी परियोजनाहरु निर्माणका लागि एमसीए–नेपालले गर्ने ग्लोबल टेन्डरमा भाग लिन निर्माण व्यवसायीहरुलाई आग्रह गरेका हुन् ।

नेपाल निर्माण व्यवसायी महासंघको २३औं वार्षिक साधारणसभा काठमाडौंमा उद्घाटन गर्दै देउवाले ग्लोबल टेन्डरमा नेपाली व्यवसायीहरले पनि भाग लिने हिम्मत गर्नुपर्ने बताए । एमसीसीको टेन्डरबाट नेपाली कम्पनी छानिएमा आफू खुसी हुने भन्दै देउवाले एमसीसीको टेन्डरमा सफल भए आफुले धन्याद दिने बताए ।

अमेरिकाको कानुनका कारण अन्तर्राष्ट्रिय बोलपत्र गर्नुपर्ने भन्दै जुनसुकै देशका कम्पनी पनि एमसीसीको परियोजना निर्माणका लागि आउन सक्ने देउवाको दावी छ ।

उनले भने,‘चीनकै पनि कम्पनी आउन सक्छन्, भारतको पनि आउनसक्छन्,’ नेपालकौ वा अरु देशका कम्पनीले पनि प्रतिस्पर्धा गर्न सक्छन् ।’ उनले एसमीसीको ५० करोड डलर सहयोगअन्तरगत ३१५ किलोमिटर प्रसारणलाइन र ७७ किलोमिटर सडक विस्तारको काम हुँने बताए ।

कार्यक्रममा गृहमन्त्री बालकृष्ण खाँणले बिजुलीको तारमा झुन्डिएर विदेशी सेना नआउने बताउँदै विगतमा रहेको लोडसेडिङको समस्यालाई फेरि आउन नदिन एमसीसी परियोजनालाई स्वीकार गरिएको बताए ।

प्रधानमन्त्री देउबाले पद नै धरापमा परेपनि एमसीसी पास गर्ने दृढता देखाएको भन्दै उनले अन्तर्राष्ट्रिय समुदायसामु देशको विश्वसनियता बचाउन पनि एमसीसी परियोजना स्वीकारिएको बताए ।