जबराविरुद्धको महाअभियोगबारे हुंने छलफलको समय आइतबार तोकिने

२७ फागुन, काठमाडौं ।  प्रधानन्यायाधीश चोलेन्द्र शम्शेर जवराविरुद्धको महाअभियोगमाथि कहिलेबाट छलफल सुरु गर्ने भन्न विषय आइतबार टुंङ्गिने भएको छ ।

प्रतिनिधिसभाको बैठकमा पेशहुने सम्भावित कार्यसूचीमा प्रधानन्यायाधीश जबराविरुद्धको महाअभियोग प्रस्तावमाथि छलफल हुने समय तोकिने विषय परेकाले आइतबार यसको समय र मिति तोकिने भएको हो ।

संघीय संसद सचिवालयको सम्भावित कार्यसूचीअनुसार आइतबार महाअभियोग प्रस्तावमाथि छलफल हुने दिन र समय तोकिनेछ । सभामुख अग्निप्रसाद सापकोटाले महाअभियोगमाथि छलफल हुने दिन र समय तोक्ने छन् ।

यही फागुन १ गते जबराविरुद्ध संसदमा महाअभियोग प्रस्ताव दर्ता भएको थियो । सत्तारुढ गठबन्धनको तर्फबाट दर्ता भएको महाअधियोग प्रस्तावमा ९८ सांसदको हस्ताक्षर छ ।

महाअभियोगको प्रस्तावकमा नेकपा माओवादी केन्द्रका प्रमुख सचेतक देव गुरुङ, नेपाली कांग्रेसकी सचेतक पुष्पा भुसाल, नेकपा एकीकृत समाजवादीका प्रमुख सचेतक जीवनराम श्रेष्ठ छन् । बाँकी ९५ जना सांसद सकर्थक रहेका छन् ।