कांग्रेस सिन्धुपाल्चोकमा लामा र तामाङबीच प्रतिस्पर्धा हुँने

२९ फागुन, काठमाडौं । तीन जना मध्ये कसैले पनि ५१ प्रतिशत मत ल्याउन नसकेपछि नेपाली कांग्रेस सिन्धुपाल्चोकमा दोस्रो चरणमा मतदान हुँने भएको छ । सभापतिका लागि हुन लागेको दोस्रो चरणको निर्वाचनमा डा. प्रेमध्वज लामाले वंशलाल तामाङलाई समर्थन गर्ने निर्णय गरेका छन् ।

अब दोस्रो चरणमा जंगबहादुर लामा र वंशलाल तामाङबीच प्रतिस्पर्धा हुँनेछ । सभापति पदमा जंगबहादुर, वंशलाल र प्रेमध्वज चुनाव लडेका थिए ।

कुल १ हजार ८६८ मतमध्ये जंगबहादुरले ७०५ र वंशलालले ६२९ मत पाएका थिए । ४९३ मत पाएर तेस्रो स्थानमा रहेका प्रेमध्वज भने सभापति पदको प्रतिस्पर्धाबाट बाहिरिएका छन् । उनले विज्ञप्ति जारी गर्दै वंशलाललाई समर्थन गर्ने जानकारी दिएका छन् ।