कांग्रेसभित्रका राम्रा कामको प्रचार गर्न कार्यकर्तालाई महामन्त्री शर्माको आग्रह

२९ फागुन, काठमाडौं ।  नेपाली कांग्रेसका महामन्त्री विश्वप्रकाश शर्माले कांग्रेसले विगतमा गरेका राम्रा कामको प्रचार गर्न नसक्दाको पाठ सिक्न कार्यकर्ताहरुलाई आग्रह गरेकका छन् । विगतमा पनि कांग्रेसले धेरै राम्रा काम गरेको तर त्यसको मुल्याकन र प्रचार हुन नसकेको शमाले बताए ।

चुनावी प्रचार अभियानका क्रममा उदयपुर पुगेका महामन्त्री शर्माले कांग्रेसकै कार्यकर्तामा अझै पनि कम्युनिस्टले गरेका काम देख्ने तर आफ्नै दलले गरेका कार्य नदेख्ने प्रवृत्ति रहेको बताउँदै यस्तो प्रबृतिलाई सवैले बदल्न आवस्यक भएको बताए ।

कांग्रेस लिएको नीति र उसले गरेका कामलाई हेरेर नागरिकले मत दिने भएकाले कांग्रेसले गरेका कार्यलाई प्रस्टसंग जनतामाझ लानुपर्ने उनको भनाई छ ।

चुनावी अभियानको प्रारम्भमा निर्वाचनको माहोल बनाउन उनले कार्यकर्तालाई सुझाए । माहोल बनाइसकेपछि कांग्रेस जिताउन सक्रियातापूर्वक लाग्न आग्रह गर्दै निर्वाचन स्वस्थ प्रतिस्पर्धात्मक बनाउने कार्यमा लाग्न कार्यकर्तालाई अुनरोध गरे ।

कांग्रेसमा सक्रिय सबै कार्यकर्तालाई उचित जिम्मेवारीसहित निर्वाचन प्रचारमा खटाउने नीति पार्टीले लिएको शर्माले बताए । उनले जिम्मेवारीको भारीलाई कुशलतापूर्वक निर्वाह गर्न पनि सुझाव दिए ।