बुढाथोकीलाई हराउँदै बारा कांग्रेस सभापतिमा यादव विजयी

३० फागुन, काठमाडौं । संस्थापन समुहकै शम्भुबहादुर बुढाथोकीलाइ हराउँदै नेपाली कांंग्रेसको बारा जिल्ला सभापतिमा राजेश राय यादव निर्वाचित भएका छन् । आइतबार भएको दोस्रो चरणको निर्वाचनमा यादवले १२०६ मत ल्याई विजयी भएका हुन् ।

बुढाथोकीले ११५४ मत ल्याएका थिए । ५२ मतको अन्तरले यादवले बुढाथोकीलाई पराजित गरेका हुन् । विजयी यादव कलैया उपमहानगरका मेयर समेत हुन् । विजयी र पराजित दुबै संस्थापन पक्षका जिल्ला नेता हुन् ।

शनिबार भएको अधिवेशनबाट तेस्रो स्थानको मत ल्याई रामानन्द राय बाहिरिएका थिए । नेता कृष्णप्रसाद सिटौला निकट रायले शनिबारको मत परिणाममा पहिलो स्थानको मत ल्याउने यादवलाई सघाउने निर्णय गरेका थिए ।