एमालेलाई स्थानीय तहमा ७० प्रतिशत स्थान जित्न ढोडको लौरो टेक्नुपर्दैनः ओली

१ चैत, काठमाडौं ।  नेकपा एमालेका अध्यक्ष केपी शर्मा ओलीले आगामी स्थानीय निर्वाचनमा एमाले प्राय स्थानीय तहहरुमा विजय हासिल गर्ने बताएका छन् । उनले एमालेलाई ७० प्रतिशत स्थानीय तहमा जित्न कसैको साथ नचाहिँने दावी गरेका छन् ।

मंगलबार पार्टी निकट अनेमसंघको तेस्रो पूर्ण बैठकलाई सम्बोधन गर्दै अध्यक्ष ओलीले यस्तो दावी गरेका हुन् । उनले एमालेलाई कसैको बैसाखी टेक्नु नपर्ने बताए । ओलीले कम्युनिस्टका नाममा रहेका पार्टीहरूको नामप्रति कटाक्ष गरे । माओवादीलाई काम नै फाटोवादी र समाजवादीलाई प्रतिगामीको संज्ञा दिए ।

अध्यक्ष ओलीले आफ्नै पार्टीमा रहेका तथाकथित बुद्धिजीवीहरु कम्युनिस्टहरु नमिले समाप्त हुने भनेकोमा आपत्ति जनाए । मोहन वैद्यको पार्टीसँग एमाले मिलेन भने एमाले समाप्त हुन्छ भन्दै जिस्क्याउने काम नगर्न चेतावनी दिए ।