चीनमा कोरोना संक्रमितको सङ्ख्या बढ्दै

१ चैत, सिन्ह्वा । चीनमा केही दिनयता कोरोना भाइरसका संक्रमित बढ्न थालेको छ । चीनका विभिन्न शहरमा सोमबार मात्र कोरोना भाइरसका संक्रमितको सङ्ख्या तीन हजार ५०७ जना भेटिएका नेशनल हेल्थ कमिसनले मंगलबार जनाएको छ ।

सोमबार ११ हजार ९८४ जना कोरोनाका बिरामी उपचाररत थिए । जसमध्ये ८ जनाको अवस्था गम्भीर थियो । सन् २०१९ को डिसेम्बरमा चीनको हुबे प्रान्तको वुहान शहरबाट शुरु भएको यस रोगको प्रकोपपछि मुख्य भूमिमा कूल चार हजार ६३६ व्यक्तिको यस भाइरस संक्रमणको कारण मृत्यु भएको थियो ।

त्यहाँका सबैजसो नागरिकालाई कोरोना पुनः हुनसक्ने सम्भावनालाई मध्यनजर गर्दै निरन्तर परीक्षण गरिरहेको बताइएको छ ।