१७ विकास बैंकः ७ महिनामा करिब ४ अर्ब मुनाफा, तीन बैंक नोक्सानीमा

१ चैत, काठमाडौं । चालु आवको सात महिनामा विकास बैंकको करिब ४ अर्ब मुनाफा गरको छन् । जुन मुनाफा गत वर्षको तुलनामा करिब साढे २ प्रतिशत बढेको हो।

हाल संचालनमा रहेका १७ विकास बैंकमध्येका ३ विकास बैंकको नोक्सानीमा रहेको छन । त्यस्तै १४ विकास बैकले चालु आवको माघ मसान्तसम्म ३ अर्ब ८८ करोड रुपैयाँ मुनाफा गरेका हुन्। सो मुनाफा औसतमा २२ करोड हो।

गत आर्थिक वर्षको सोही अवधिमा विकास बैंकहरूको मुनाफा तीन अर्ब ७८ करोड रुपैयाँ थियो।

सबैभन्दा बढि मुनाफा गर्ने विकास बैंक ?

चालु आर्थिक वर्षको सात महिनाको अवधिमा मुक्तिनाथ विकास बैंकले सवैभन्दा बढी मुनाफा गरेको छ । मुक्तिनाथ विकास बैंकले यस अवधिमा ६९ करोड ७८ लाख रुपैयाँ खुद नाफा कमाएको छ।

साथै, गरिमा विकास बैंकले पनि ५६ करोड ६५ लाख, महालक्ष्मी विकास बैंकको ५२ करोड ८३ लाख, ज्योति विकास बैंकले ४१ करोड २८ लाख, लुम्बिनी विकास बैंकले ४० करोड १२ लाख रुपैयाँ, शाइन रेसुंगा विकास बैंकले ४० करोड ९ लाख रुपैयाँ र कामना सेवा विकास बैंकले ४० करोड ६ लाख रुपैयाँ मुनाफा गरेका छन्।

त्यस्तै, सांग्रिला विकास बैंकको मुनाफा पनि ३० करोड १२ लाख रुपैयाँ छ। कर्पोरेट डेभलपमेन्ट बैंकको मुनाफा ४७ लाख रुपैयाँ छ।

करोड रुपैयाँभन्दा कम मुनाफा कमाउने ग्रीन डेभलपमेन्ट बैंक छ। बैंकले माघ अन्त्यसम्म ७२ लाख मुनाफा गरेको छ।

तीन विकास बैंक नोक्सानीमा ?

चालु आर्थिक वर्षको सात महिनाको अवधिसम्म तीन विकास बैंक नोक्सानीमा रहेका छन् । यस अवधिमा नारायणी डेभलपमेन्ट बैंक, कर्णाली डेभलपमेन्ट बैंक र सप्तकोसी डेभलपमेन्ट बैंक नोक्सानीमा रहेका छन् ।

बैंकहरूको कुल घाटा झन्डै साढे ५ करोड रुपैयाँ छ। अघिल्लो आर्थिक वर्षको यसै अवधिमा विकास बैंकहरूको खुद नोक्सानी १ करोड रुपैयाँ अधिक थियो।

कुन बैंकले कति गरे मुनाफा ?