एमालेको टिकट वितरण विधि,मेयर र उपमेयर छनोटको अधिकार केन्द्रमै

१ चैत, काठमाडौं ।  महानगर र उपमहानगरपालिकाको मेयर र उपमेयरका उम्मेदवारहरुको छनोट गर्ने अधिकार केन्द्रमा राख्दै नेकपा एमालेले स्थानीय तहको निर्वाचनमा उम्मेदवार सिफारिस विधि र प्रक्रिया टुंगो लगाएको छ ।

मंगलबार बसेको सचिवालय बैठकले उक्त विधिको टुंगो लगाएको हो । एमालेकोे वडा अध्यक्ष र सदस्यहरुको निर्णय जिल्ला कमिटीले गर्नेछ अर्थात् उनीहरुलाई टिकट जिल्ला तहले वितरण गर्नेछ ।

नगरपालिकाको मेयर र उपमेयर, गाउँपालिका अध्यक्ष र उपाध्यक्षको जिल्लाको सिफारिसमा प्रदेशले गर्ने भएको छ । महानगर र उपमहानगरपालिकाको मेयर र उपमेयरको सिफारिस जिल्ला र प्रदेशले गरेपनि निर्णय भने केन्द्रले गर्नेछ ।