तीन महिनापछि भारतले पठायो राजदूत शर्माको एग्रिमो

२ चैत, काठमाडौं ।  गत कात्तिक ११ मा भारतका लागि नेपाली राजदूतमा सिफारिस भएका डा. शंकर शर्माको नाममा तीन महिनापछि भारतले एग्रिमो पठाएको छ । मंगलबार भारतले नेपाली राजदूत डा. शर्माको नाममा ‘एग्रिमो’ पठाएको परराष्ट्र मन्त्रालयले जनाएको छ ।

यसअघि डा. शर्मासँगै सिफारिस भएका ज्ञानचन्द्र आचार्य बेलायत र श्रीधर खत्री अमेरिकाका लागि राजदूतमा नियुक्त भइसकेका छन् । शर्माको संसदीय सुनुवाइ मंसिर २२ मा गरिएको थियो । संसदीय सुनुवाइ समितिले नाम अनुमोदन गरेपछि मंसिर २४ मा परराष्ट्र मन्त्रालयले भारतलाई सहमतिका लागि पत्र पठाएको थियो ।