स्थानीय तहको चुनावमा केन्द्रित हुन सांसदहरुलाई एमालेको निर्देशन

२ चैत, काठमाडौं ।  नेकपा एमालेले आफ्ना सांसदहरुलाई स्थानीय तह निर्वाचनमा केन्द्रित हुन निर्देशन दिएको छ । बुधबार बसेको पार्टी संसदीय दलको बैठकमा अध्यक्ष केपी शर्मा ओलीले सांसदहरुलाई चुनाव केन्द्रित हुन र गाउँ गाउँ जान निर्देशन दिए ।

उनले गाउँ गएर केन्द्रीय गतिविधि र संसद विघटनको विषयमा पार्टीको धारणा प्रष्ट राख्न आग्रह गरेका एक सांसदले जानकारी दिए । निर्वाचनमा कुनै दलसँग गठबन्धन गर्ने कि नगर्ने भन्ने विषयमा छलफल भएपनि यसबारे कुनै निर्णय भने नभएको बताइएको छ ।

अध्यक्ष ओलीले आगामी स्थानीय तहको निर्वाचनमा एमाले एक्लै लड्ने संकेत यस अगाडी नै दिइसकेका छन् । उनले दुइदिन अघि मात्रै स्थानीय तहमा एमालेले ७० प्रतिशत सिट चित्ने दावी गरेका थिए ।