गठबन्धन सरकारबाट एकीकृत समाजवादीका मन्त्री फिर्ता नहुँने

३ चैत, काठमाडौं ।  नेकपा एकिकृत समाजवादी पार्टीले स्थानीय तहको निर्वाचन अघि आफ्नो पार्टीबाट सरकारमा गएका मन्त्रीहरुलाई फिर्ता नबोलाउने भएको छ । स्थानीय तहको निर्वाचनलाई असर पर्ने भन्दै अहिले सरकारमा रहेकाहरुलाई नै यथावत राखिने भएको हो ।

एकिकृत समाजवादीले हाललाई मन्त्री परिवर्तन गर्ने विषयलाई स्थगित गरेको सरकारमा सहभागि एक मन्त्री नेपालबहसलाई जानकारी दिए ।

उनले निर्वाचनको समय आएको र अहिले मन्त्रीहरु हेरफेर गर्दा त्यसको प्रत्यक्ष असर चुनावमा पर्ने निष्कर्ससहित अध्यक्ष नेपालको रहेको बताए ।

एकीकृत समाजवादी पार्टीबाट हाल शेरबहादुर देउवा नेतृत्वको मन्त्रिपरिषदमा विरोध खतिवडा, रामकुमारी झाँक्री, प्रेमबहादुर आले, कृष्णकुमार श्रेष्ठ किसान र भवानी खापुङ मन्त्री रहेका छन् ।

उनीहरुलाई सरकारमा पठाउँदै छ महिनापछि फिर्ता हुनुपर्ने सर्त राखिएको नेताहरुले बताउँदै आएका थिए ।