जीवन विकास लघुवित्तको सर्वाधिक शेयर खरिदबिक्री

६ फागुन, काठमाडौं । साताको पहिलो कारोबार दिन आइतबार जीवन विकास लघुवित्तको सर्वाधिक शेयर खरीदविक्री भएको छ ।

यस दिन करिब १ बजेको अवधिमा कम्पनीको सर्वाधिक शेयर खरिद बिक्री भएको छ । यस अवधिसम्ममा कारोबारमा आएका २०९ कम्पनीमध्ये उक्त कम्पनीको ८ करोड २६ लाख बराबरको शेयर खरीदविक्री भएको हो ।

कम्पनीले गत आवको मुनाफाबाट ७० प्रतिशत बोनस शेयर र ३.६८ प्रतिशत नगद लाभांश गरी कुल ७३ दशमलव ६८ प्रतिशत लाभांश वितरणको लागि बुक क्लोज मिति तोकेसँगै कम्पनीको शेयरमा सर्वाधिक शेयर खरीदविक्री भएको हो ।

यो समाचार तयार पार्दासम्म नेप्से परिसूचक १२ दशमलव ४८ अंक घटेर २ हजार ६१८ विन्दुमा रहेको छ । त्यसैगरी उक्त अवधिसम्ममा कुल ९२ करोड बराबरको शेयर खरीदविक्री भएको छ।