पूर्वमन्त्री प्रेमबहादुर सिंह आज एमालेमा फर्किदै

८ चैत्र काठमाडौं ।  समाजवादी जनता पार्टी (सजपा) का अध्यक्ष तथा पूर्वमन्त्री प्रेमबहादुर सिंह दलसहित आज एमादलेमा प्रवेश गर्ने भएका छन् ।

उनको नेतृत्वमा सिंगै दल र त्यसमा आवद्ध नेता कार्यकताहरु एमालेमा प्रवेश गर्ने भएका हुन् । सजपा अध्यक्ष सिंह यसअघि एमालेमै आबद्ध थिए ।

सिंहले नेतत्व गर्ने समाजवादी जनता दलमा अहिले कति सदस्य छन् भन्ने एकिन छैन । प्राय पार्टीमा उनी एक्लै देखिन्छन् ।

संविधानसभाको निर्वाचनपछि सरकार बनाउने र हटाउने खेल अन्र्तगत उनी पनि मन्त्री बनेका थिए । सिंह पुष्पकमल दाहाल नेतृत्वको सरकार हुँदा खानेपानीमन्त्री थिए ।

मंगलबार दिउँसो १ बजे एमाले पार्टी केन्द्रीय कार्यालय थापाथलीमा एमाले अध्यक्ष केपी शर्मा ओलीले पार्टीमा प्रवेश गराउने एमाले प्रचार विभागले जनाएको छ । मंगलबार पार्टी कार्यालयमा हुन लागेको कार्यक्रममा समाजवादी जनता पार्टी एमालेमा समाहित हुन लागेको हो ।