कृष्णबहादुर महराका स्वकीय सचिव शर्माले छोडे माओवादी

८ चैत, दाङ ।  नेकपा माओवादी केन्द्र नेता एवं पूर्वसभामुख कृष्णबहादुमहराका स्वकिय सचिव प्रमोद शर्माले माओवादी पार्टी छाडेको घोषणा गरेका छन् ।

घोराही उपमहानगर कमिटीका अध्यक्षसमेत रहेका शर्माले पार्टी त्यागेको सामाजिक सञ्जालमार्फत जानकारी गराएका छन् । उनले पार्टीको साधारण सदस्यसमेत नरहने गरी पद त्यागेको घोषणा गरेका छन् ।

श्र्माले सामाजिक सन्जालमा लेखेका छन्, ‘आजको मितिदेखि म नेकपा माओवादी केन्द्रको साधारण सदस्यसमेत नरहने गरी आफूले प्राप्त गरेको सम्पूर्ण जिम्मेवारीबाट राजीनामा दिएको घोषणा गर्दछु ।’ उनले अबदेखि एक स्वतन्त्र नागरिकको रुपमा देश र जनताको लागि सामाजिक भूमिका निर्वाह गर्ने बताएका छन् ।