बाम एकताको औचित्य पुष्टि गर्न एमाले नेता भुसालले पत्रकार सम्मेलन गर्दै

८ चैत, काठमाडौं ।  नेकपा एमालेका नेता घनश्याम भुसालले बाम एकताको औचित्य पुष्टि गर्न मंगलबार पत्रकार सम्मेलन गर्दैछन् । पत्रकारहरूसँगको अन्तर्कियामा वाम एकताको आवश्यकता र औचित्यबारे आफ्नो धारणा प्रष्ट पार्ने बताइएको छ ।

दिउँसो १२ बजे बबरमहलस्थित साफ फाल्चामा पत्रकारसँग हुने अन्तर्क्रिरयामा भुसालले एमाले, माओवादी केन्द्र र समाजवादी केन्द्रसहितको वाम एकताको आवश्यकता र औचित्यबारे प्रष्टाउने भएका हुन् ।

किन र के का लागि वाम एकता आवश्यक छ र कसरी एकता सम्भव छ भन्नेबारे भुसालले आफ्ना धारणा सार्वजनिक गर्ने उनको सचिवालयले जनाएको छ । भुसाल सुरुदेखि नै वाम एकता कायम राख्नुपर्छ भन्ने मान्यता राखेका नेता हुन् ।

सोमबार एमालेको पोलिट्ब्युरो बैठकमा पनि उनले वाम एकताका लागि पहल लिन अध्यक्ष ओलीलाई आग्रह गरेका थिए । तर ओलीले तत्काल वाम एकता सम्भव नरहेको जवाफ दिएका थिए । वाम एकता तत्काल हुन नसक्ने तर चुनावी एकता भने हुनसक्ने जवाफ ओलीले दिएका थिए ।