लोकतान्त्रिक समाजवादी पनि देउवा नेतृत्वको सरकारमा सहभागी हुँदै

८ चैत, जनकपुर ।  निर्वाचन नजिकिदै गर्दा महन्थ ठाकुर नेतृत्वको लाोकतान्त्रिक समाजवादी पार्टी (लोसपा) पनि वर्तमान सरकारमा सहभागी हुने भएको छ । सरकारमा सहभागी हुन मन्त्री र मन्त्रालयकाबारेमा प्रधानमन्त्री शेरबहादुर देउवा र गठबन्धनका नेताहरुसँग कुरा भइरहेको सो पार्टिका अध्यक्ष महन्थ ठाकुरले बताएका छन् ।

मंगलबार जनकपुरमा आयोजित पार्टीको प्रशिक्षण कार्यक्रमलाई सम्बोधन गर्दै अध्यक्ष ठाकुरले सरकारमा सहभागी हुने विषयमा प्रधानमन्त्री शेरबहादुर देउवासँग कुराकानी भइरहेको जानकारी गराएका हुन् । उनले प्रधानमन्त्रीले सरकारमा सहभागी हुन आग्रह गरेकाले आफुहरु पनि त्यसको तयारीमा लागेको बताए ।

आफूहरूले उठाएका माग सम्बोधन गर्ने सहमतिमा सरकारमा सहभागी हुने उनले बताए । वैशाख ३० मा हुने स्थानीय तहको निर्वाचनमा गठबन्धन गर्ने विषयमा आफूहरू खुला रहेको उनको भनाई ।

सरकारमा जाने विषयमा पार्टीभित्र पनि छलफल भइरहेको उनले बताए । अध्यक्ष ठाकुरले सरकारमा सहभागी हुन आफूहरूले नागरिकताको समस्या समाधान र आन्दोलनका क्रममा आफ्ना कार्यकर्तामाथि लगाइएको मुद्दा फिर्ता लिनुपर्ने माग अघि सारेको पनि बताए ।