नेपाल धितोपत्र बोर्डले नेपाल फाइनान्सलाई हकप्रद शेयर निष्कासनको लागि दियो अनुमति

९ चैत, काठमाडौं । नेपाल धितोपत्र बोर्डले नेपाल फाइनान्स लिमिटेडलाई हकप्रद निष्कासनको लागि अनुमति दिएको छ । बोर्डले कम्पनीलाई ७० प्रतिशत हकप्रद शेयर विक्रीका लागि नेपाअनुमति पाएको हो ।

बोर्डले नेपाल फाइनान्सलाई १० बराबर ७ को अनुपातमा प्रतिशेयर १०० अंकित दरको ३४ करोड ५४ लाख ४७ हजार ४२८ बराबरको ३४ लाख ५४ हजार ४७४ दशमलव २८ कित्ता हकप्रद शेयर विक्रीको अनुमति दिएको हो । यो हकप्रद शेयर विक्रीको जिम्मेवारी प्रभु क्यापिटल लिमिटेडले पाएको छ ।

नेपाल फाइनान्सले यस अघि १ बराबर १ दशमलव ७५ को अनुपातमा हकप्रद शेयर निष्कासन गर्ने निर्णय गरेको थियो ।

उक्त निर्णयलाई परिमार्जन गरी ललितपुर फाइनान्सलाई प्राप्त पश्चात कायम भएको चुक्तापूँजी ४९ करोड ३४ लाख ९६ हजारको आधारमा ७० प्रतिशत हकप्रद शेयर निष्कासनको तयारी कम्पनीले गरेको हो ।