डण्डीको मूल्यवृद्धि गर्नुको कारण पेस गर्न विभागको निर्देशन

९  चैत, काठमाडौं ।  उद्योगीहरुले अनावश्यक रुपमा डण्डीको मुल्य बढाएको भन्दै वाणिज्य, आपूर्ति तथा उपभोक्ता विभागले मुल्य बढ्नुको कारण पेस गर्न निर्देशन दिएको छ । डन्डीको भाउ बढेको गुनासो आउन थालेपछि विभागले डन्डी उद्योगीलाई बढ्नुको कारण आवश्यक कागजातसहित उपस्थिति हुन निर्देशन दिएको हो ।

निर्माण व्यवसायीले मूल्य बढ्यो भन्दै विभागमा उजुरी गरेपछि विभागले उद्योगीसँग गर्दै यस्तो निर्देशन दिएको विभागले जनाएको छ । विभागका अनुसार छलफलमा नेपाल स्टील रोलिङ मिल एसोसिएसनका अध्यक्ष साहिल अग्रवालको नेतृत्वमा तीन÷स्टल उद्योग सञ्चालनको सहभागिता रहेको थियो ।

छलफलमा सहभागी उद्योगीले डन्डीको मूल्य बढ्नुका कारण नेपाली उद्योगीले गर्दा नभएर विदेश आउन कच्चा पदार्थको मूल्य बढेको बताएको विभागले जनाएको छ । कोभिडपछि डन्डीको भाउ नेपालमा मात्रै नभई, अन्तर्राष्ट्रिय बजारमै बढेको देखिन्छ ।

विभागले डन्डी उद्योगीसँगको छलफलपछि डन्डीको मूल्य बढ्नुको कारणसहितका कागजातका प्रमाण पेस गर्न निर्देशन दिएको जानकारी दिएको छ । कच्चा पदार्थ बढेर भनेरमात्रै नहुने भन्दै कच्चा पदार्थमा बढेको मूल्य र नेपालमा उत्पादन गर्दा बढेको लागतको सबै रिपोर्ट पेश गर्न भनिएको हो ।

पछिल्ला दुई महिनामा डन्डीको मूल्य प्रतिकेजी ३० देखि ३५ रुपियाँसम्म बढेको छ । महँगो हुनुका कारण चित्तबुझ्दो नभए कानुनअनुसार कारबाही प्रक्रियामा जाने तयारी विभागको छ । नर्माण व्यवसायीले भने डन्डीमा महिनैपिच्छे मूल्य वृद्धि भएको भन्दै विरोध गर्दै आएका छन् ।