प्रहरी प्रधान कार्यालयद्वारा २५ डीएसपीको सरुवा, को–कहाँ ? [ सूचीसहित ]

९ चैत, काठमाडौं ।  प्रहरी प्रधान कार्यालयले २५ जना प्रहरी नायब उपरीक्षक (डीएसपी) को सरुवा गरेको छ । प्रहरी हेडक्वार्टरले मंगलबारदेखि लागू हुने गरी २५ डीएसपीको काज सरुवा गरेको हो ।

बागमती प्रदेश प्रहरी कार्यालय हेटौँडामा कार्यरत डीएसपी अंगुर जिसीलाई जिल्ला प्रहरी परिसर ललितपुर सरुवा गरिएको छ । यसैगरी जिल्ला प्रहरी कार्यालय सोलुखुम्बुमा कार्यरत कबित कटवालको अख्तियार दुरुपयोग अनुसन्धान आयोगको कार्यालय टंगालमा सरुवा भएको छ ।

यस्तै, केन्द्रीय अनुसन्धान ब्युरो महाराजगञ्ज काठमाडौंमा कार्यरत कृष्णराज ओझालाई जिल्ला प्रहरी कार्यालय हुम्ला, साइबर ब्युरो साइबर अपराध अनुसन्धान शाखा काठमाडौंमा कार्यरत कैलाश राईलाई जिल्ला प्रहरी कार्यालय, ताप्लेजुङ पठाईएको छ ।

जिल्ला प्रहरी कार्यालय ओखलढुंगामा कार्यरत गोबिन्दराज काफ्लेलाई काजमा जिल्ला प्रहरी कार्यालय धनकुटा सरुवा गरिएको छ । सबैलाई जिल्लाको आवश्यकता हेरी पठाइएको जनाइएको छ ।