एनआईसी एशिया बैंकको सर्वाधिक शेयर खरिदबिक्री

९ फागुन, काठमाडौं । साताको चौथो कारोबार दिन बुधबार एनआईसी एशिया बैंकको सर्वाधिक शेयर खरीदविक्री भएको छ ।

यस दिन साढे १ बजेको अवधिमा बैंकको सर्वाधिक शेयर खरिद बिक्री भएको छ । यस अवधिसम्ममा कारोबारमा आएका २२४ कम्पनीमध्ये उक्त कम्पनीको ६ करोड ७० लाख बराबरको शेयर खरीदविक्री भएको हो ।

कम्पनीले चैत २० गते साधारणसभा बोलाएको छ । बैंकले गत वर्षको मुनाफाबाट लाभांश नदिने भएसँगै बैंकको शेयर बिक्री गर्ने धेरै देखिएका हुन् ।

यो समाचार तयार पार्दासम्म नेप्से परिसूचक २७ दशमलव ३४ अंक घटेर २ हजार ६२३ विन्दुमा रहेको छ । त्यसैगरी उक्त अवधिसम्ममा कुल ९८ करोड बराबरको शेयर खरीदविक्री भएको छ।