आजदेखि देशभरका सबै यातायात कार्यालयहरुबाट दिने सेवा बन्द हुँने

९ चैत, काठमाडौं ।  सेवाग्राहीलाई छिटो सेवा दिनका लागि जडान गरिएका सबै सर्भरहरुले काम गर्न छाडेपछि यातायात व्यवस्था विभागले देशभरका यातायात कार्यालयहरुबाट दिने सबै सेवा अनिश्चतकालका लागि बन्द गर्ने निर्णय गरेको छ ।

सर्भरहरुमा विद्युतीय समस्या देखिएको भन्दै विभागले बुधबार अपरान्ह ५ बजेदेखि सबै सेवा बन्द गर्ने निर्णय गरेको जनाएको छ । विभागले समस्या समाधान नभएसम्मका लागि सबै सेवा अवरुद्ध हुने जानकारीका सबैमा सूचना जारी गरेको छ ।

यसअघि विभागले लाइसेन्सका लागि नयाँ आवेदन लिन बन्द गरेको थियो । अब सवारी दर्ता, नामसारी, नवीकरण र कर भुक्तानीसहितका सबै सेवा अनिश्चतकालका लागि बन्द हुने भएका छन् । विभागले चाँडो सेवा सञ्चालनका लागि सक्दो प्रयास गर्ने जनाएको छ ।