गाडीको ठक्करबाट मोटरसाइकलमा सवार दुई जनाको मृत्यु

९ चैत, काठमाडौं ।  काठमाडौंको चोभारमा टाटा सुमो गाडीको ठक्करबाट मोटरसाइकलमा सवार दुई जनाको मृत्यु भएको छ । महानगरीय प्रहरी परिसर काठमाडौंका अनुसार गाडीले मोटरसाइकललाई ठक्कर दिँदा दुई जनाको मृत्यु भएको हो ।

ना १ ज ६३५४ नम्बरको गाडीले बा ९२ प २३१ नम्बरको पल्सर बाइकलाई ठक्कर दिएको हो । मोटरसाइकलमा सवार दुई जनालाई प्रहरीले उपचारका लागि बल्खुस्थित बयोधा अस्पतालमा लगेको थियो । त्यहाँ पु¥याउँदा उनीहरूलाई चिकित्सकले मृत घोषणा गरेको प्रहरीले जनाएको छ ।

मृत्यु हुनेमध्ये एक जना नागार्जुन नगरपालिका बस्ने समीर गिरी छन् । अर्का एक जनाको पहिचान खुलिसकेको छैन । ठक्कर दिएपछि मोटरसाइकल भीरमा अन्दाजी १५ देखि २५ मिटर तल खसेको थियो । प्रहरीले टाटा सुमो चालक सिमरा उपमहानगरपालिका–६ का सन्जय खानलाई नियन्त्रणमा लिएको छ ।