त्रिभुवन अन्तर्राष्ट्रिय विमानस्थलको समस्या समाधान भइसक्योः प्रवक्ता

१० चैत, काठमाडौं ।  त्रिभुवन अन्तर्राष्ट्रिय विमानस्थलको सञ्चार उपकरणमा आएको समस्या समाधान भएको त्रिभुवन अन्तर्राष्ट्रिय विमानस्थले जनाएको छ

। विमानस्थल कार्यालयलका प्रवक्ता टेकनाथ सिटौलाका अनुसार अहिले समस्याको समाधान भइसकेको छ ।

विहान समस्या आएपछि बिमान उडान अवतरण केही समय प्रभावित भएको छ । बिहान ६ बजेदेखि उपकरणमा समस्या देखिएपछि उडानमा केही समय प्रभावित भएको उनले बताए ।

सिटौलाले राडारको लाइनमा ट्रिप गएपछि समस्या देखिएको र राडारमा समस्या देखिँदा केही समय उडानमा समस्या भएको बताए ।

अब अवतरणमा कुनै समस्या छैन, उपकरणमा समस्या देखिएपछि विमानस्थल कार्यालयले वैकल्पिक व्यवस्थाका लागि नोटाम जारी गरेको उनले बताए ।

केही समयपछि मात्रै नोटाम खारेज गरिने उनले जानकारी दिए । अहिले सामान्य अवस्थामा विमानस्थलमा उडान तथा अवतरण भइरहेको उनले जानकारी दिए ।