महराका स्वकीय सचिव शर्मा एमालेमा प्रवेश

१०  चैत, काठमाडौं ।  नेकपा माओवादी केन्द्रका प्रवक्ता कृष्णबहादुर महराका स्वकीय सचिव प्रमोद शर्मा एमालेमा प्रवेश गरेका छन् । बिहीबार बबरमहलस्थित कार्की ब्यांक्वेटमा अध्यक्ष केपी शर्मा ओलीले महराका स्वकीय सचिव शर्मा र उनी पत्नी सीता चौधरीलाई पार्टीमा स्वागत गरेका हुन् ।

महराका स्वकीय सचिव रहेका शर्माले केही दिनअघि माओवादी परित्याग गरेका थिए । शर्मा माओवादी केन्द्रको जिल्ला सचिवको आकांक्षी थिए । तर, माओवादीले जिल्ला सचिव अर्कैलाई बनाएपछि शर्माले असन्तुष्ट हुँदै पार्टी परित्यागको घोषणा गरेका थिए ।

शर्मा यसअघि माओवादी केन्द्र घोराही उपमहानगरपालिकाका अध्यक्ष भइसकेका व्यक्ति हुन् । उनकी पत्नी सीता अघिल्लो स्थानीय तहको चुनावमा माओवादी केन्द्रबाट घोराही उपमहानगरपालिकाको उपमेयर उठेकी थिइन् ।