जीवन विकास लघुवित्तको सर्वाधिक शेयर खरीदविक्री

१० फागुन, काठमाडौं । साताको अन्तिम कारोबार दिन बिहीबार जीवन विकास लघुवित्तको सर्वाधिक शेयर खरीदविक्री भएको छ ।

यस दिन करिब १ बजेको अवधिमा कम्पनीको सर्वाधिक शेयर खरिद बिक्री भएको छ । यस अवधिसम्ममा कारोबारमा आएका २१६ कम्पनीमध्ये उक्त कम्पनीको ९ करोड ८४ लाख बराबरको शेयर खरीदविक्री भएको हो ।

कम्पनीले घोषणा गरेको ७० प्रतिशत बोनस शेयर र ३.६८ प्रतिशत नगद लाभांश गरी कुल ७३.६८ प्रतिशत लाभांश सुरक्षित गर्ने आज अन्तिम दिन हुँदा कम्पनीको शेयर खरिद बिक्री धेरै देखिएको हो ।

यो समाचार तयार पार्दासम्म नेप्से परिसूचक ० दशमलव ३० अंक घटेर २ हजार ६३० विन्दुमा रहेको छ । त्यसैगरी उक्त अवधिसम्ममा कुल १ अर्ब २५ करोड बराबरको शेयर खरीदविक्री भएको छ।