सवारी चालक अनुमतिपत्रको आवेदन जेठमा खुल्ने

१०   चैत, काठमाडों ।  यातायात व्यवस्था विभागले बन्द भएको सवारी चालक अनुमतिपत्रको आवेदन आगामी जेठदेखि खोल्ने भएको छ । फारम भरिसकेका सेवाग्राहीको परीक्षा यथाशक्य छिटो सक्नुपर्ने भन्दै गत चैत १ देखि सेवा बन्द भएको थियो ।

सेवाग्राहीले लाइसेन्सको परीक्षाका लागि महिनौं पर्खिनुपर्ने बाध्यता हटाउन केही समय आवेदन बन्द गरिएको यातायात व्यवस्था विभागले जनाएको छ ।

विभागका अनुसार ५ लाख ७२ हजार ३ सय ८० सेवाग्राहीले परीक्षा दिन बाँकी छ । नेपालभरका २३ वटा कार्यालयमा सिफ्ट बढाएर भए पनि जेठ १७ गतेसम्म सक्ने लक्ष छ । परीक्षार्थीको चाप केही घटेपछि ढिलोमा जेठ १ बाटै नयाँ फारम खोल्ने तयारी विभागको छ ।