पौडेलनिवास बोहोराटारमा कांग्रेस सभापतिहरूको भेला, के गर्लान निर्णय ?

११ चैत, काठमाडौं ।  नेपाली कांग्रेसका नेता रामचन्द्र पौडेलले स्थानीय तहको निर्वाचनमा सत्तारुढ दलहरूसँग गठबन्धन गर्ने कि नगर्ने भन्ने बारेमा राय लिन जिल्ला सभापतिहरूलाई बोलाएका छन् ।

बोहोराटारस्थित आफ्नै निवासमा जिल्ला सभापतिहरूसँग छलफलका आधारमा दिउँसो २ बजे बस्ने केन्द्रीय समिति बैठकमा वरिष्ठ नेता पौडेलले गठबन्धन गरेर जाने कि नगरी जाने भन्ने बारेमा आफ्नो धारणा राख्ने छन् । त्यसका लागि जिल्ला सभापतिहरू पौडेल निवास बोहोराटार पुगिरहेका छन् ।

उनको निवासमा कुन कुन जिल्लाका सभापतिहरु उपस्थित भएका छन भन्ने खुलाइएको छैन । पार्टीमा सभापति शेरबहादुर देउवा र डा. शेखर कोइरालाबीच विवाद चलिरहेका बेला पौडेलले भेला बोलाएका हुन् । भेलाको निष्कर्स पौडेलले केन्द्रीय समितिको बैठकमा सुनाउँने छन् ।