सकियो पौडेलले बोलाएको सभापति भेला,गठबन्धन गरेरै जाने निष्कर्ष

११ चैत, काठमाडौं ।  नेपाली कांग्रेसका वरिष्ठ नेता रामचन्द्र पौडेलले बोलाएको जिल्ला सभापति लगायतको भेला सकिएको छ । भेलाले चुनावमा तालमेलको आवश्यकता रहेको निष्कर्ष निकालेको छ ।

नेता पौडेलले आफू पक्षीय केन्द्रीय तथा जिल्ला सभापतिलाई शुक्रबार बिहान आफ्नो निवास बोहोराटारमा छलफलका लागि डाकेका थिए । उनीहरुबीचको छलफलले अहिलेलाई कांग्रेस गठबन्धन गरेरै जनुपर्ने निष्कर्ष निकालेको हो ।

सत्ता गठबन्धनबिच स्थानीय तहमा तालमेलको आवश्यकता भए/नभएको छलफल गर्न नेता पौडेलले बैठका थिए । स्थानीय तहको निर्वाचनमा तालमेल गनुपर्छ भन्ने भएको र तालमेल गर्ने अधिकार तल्लो कार्यसमितिलाई नै दिनुपर्छ भनिएको भेलामा सहभागी एक नेताले नेपालबहसलाई बताए ।

बैठकमा सहभागीले तालमेलको आवश्यकता रहेको सुझाव पौडेललाई दिएका थिए । तालमेल गर्दा स्थानीय आवश्यकता अनुसार हुनुपर्ने र विधान अनुसार प्राप्त अधिकार तल्लो संरचनाले प्रयोग गर्न पाउनुपर्ने जिल्ला सभापतिहरुले धारणा राखेका थिए ।

बैठकमा कानुनमन्त्री दिलेन्द्र बडु, केन्द्रीय सदस्यद्वय डा. शशांक कोइराला र दीपक गिरी सहभागी थिए । डा. शेखर कोइराला, प्रकाशमान सिंह लगायतका नेताहरु भने भेलामा सहभागी थिएनन् ।