कांग्रेस कार्यकर्ताद्वारा पार्टी कार्यालयमा देउवाविरुद्ध नाराबाजी

११  चैत, काठमाडौं ।  नेपाली कांग्रेसको केन्द्रीय कार्यालय सानेपा परिसरमा सभापति शेरबहादुर देउवाविरुद्ध नाराबाजी भएको छ । नेविसंघ र नेपाल तरुण दलको अध्यक्ष मनोनयनलाई लिएर डा. शेखर कोइराला समूह निकट विद्यार्थीहरुले नाराबाजी गरेका हुन् ।

आज कैन्द्रीय समितिको बैठक समेत भएकाले पार्टी कार्यलय परिसरमा कार्यकर्ताको जमघट पनि बढेको छ । सभापति देउवाले एकलौटी ढंगबाट नेविसंघ र तरुण दलमा अध्यक्ष नियुक्ति गरेको भन्दै कोइराला समूहले राष्ट्रिय भेला बोलाएपछि विवाद थप चर्किएको छ । पार्टी कार्यालय प्रवेश गर्ने सडक छेउमा बसेका कार्यकर्ताले नाराबाजी गरिरहेका छन् ।