भारतका लागि नेपाली राजदूत शर्माले लिए शपथ

११ चैत, काठमाडौं । राष्ट्रपति विद्यादेवी भण्डारीले भारतका लागि नेपाली राजदूत डा. शंकरप्रसाद शर्मालाई पद तथा गोपनीयताको शपथ गराएकी छन् ।

राष्ट्रपति कार्यालय शीतल निवासमा शुक्रबार आयोजित समारोहमा राष्ट्रपति भण्डारीले राजदूत डा. शर्मालाई पद तथा गोपनीयताको शपथ गराएकी हुन् । समारोहमा परराष्ट्रमन्त्री डा. नारायण खड्का उपस्थित थिए ।

नेपाल सरकारको सिफारिसमा यही चैत ६ गते राष्ट्रपति भण्डारीले डा. शर्मालाई भारतका लागि नेपालको आवासीय राजदूतमा नियुक्त गरेकी थिइन् । उनी अब भारत जाने छन् ।