गिरिजाप्रसाद गएपछि मलाई माओवादी को मात्र हैन, राष्ट्रकै अध्यक्ष हुँ कि भन्ने अनुभूति हुँदैछः प्रचण्ड

११  चैत, काठमाडौं ।  नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले गिरिजाप्साद कोइरालाको अनुपस्थितिपछि आफुलाई नेकपा माओबादी केन्द्रको मात्रै नभएर राष्ट्रकै अध्यक्ष भएको अनुभस्ति हुन थालेको बताए छ । उनले पार्टीको भन्दा राष्ट्रको बोझ आफुमाथि बढीरहेको भन्दै त्यसका लागि लडिरहने बताए ।

भरतपुर महानगरपालिकाको नयाँ प्रशासनिक भवनको शिलान्यास कार्यक्रमलाई शुक्रबार सम्बोधन गर्दै उनले देशमा कुनै अफ्ठ्यारो प¥यो भने जसरी–तसरी बचाउने भारी बोकेर बसिरहेको अनुभूति सुनाए । राष्ट्र अप्ठ्यारोमा पर्दा आफु सधै चिन्तित रहने गरेको र राष्ट्रलाई समस्याबाट मुक्ति दिन हरहमेसा प्रयास गरिरहेको प्रचण्डको भनाई छ ।

उनले भने, ‘म माओवादी केन्द्रको अध्यक्ष छु । दुई पटक देशको प्रधानमन्त्री भएँ । तर मलाई माओवादी केन्द्रको अध्यक्षजस्तो मात्रै लाग्दैन अचेल । सिंगै राष्ट्रको जिम्मेवारी मेरो टाउकोमा छ जस्तो लाग्छ । देशमा संकट आयो, देशमा जस्तो हुन्छ, त्यो संकटबाट टार्नुपर्ने हुन्छ मैले ।’

उनले नेपाली कांग्रेसका नेता गिरिजाप्रसाद कोइरालाको अनुपस्थितिमा आफुले एक्लै भारी बोक्नु परिरहेको गुनासो सुनाए । चितवनमा नेपाली कांग्रेसले एक्लै–एक्लै चुनावमा जाने बताइरहँदा गृह जिल्ला पुगेका प्रचण्डले आफ्नै–आफ्नै ढंगले गएको भए देशमा शान्ति प्रक्रिया हुन्थ्यो कि हुन्थेन सोच्न कार्याकर्तालाई आग्रह गरे । उनले आफ्नै–आफ्नै ढंगले गएको भए शान्ति प्रक्रिया, संविधानसभा, संविधान केही पनि नबन्ने दावी गरे ।

प्रचण्डले भने, ‘आजभोलि केही साथीहरू भन्न थाल्नुभएको छ मिलेर जाने होइन आफ्नै आफ्नै ढंगले जानुपर्छ । ठिकै छ आफ्नै आफ्नै ढंगले जाने हो भने पनि मलाई कुनै आपत्ति छैन । त्यसरी जानपनि सकिन्छ । गिरिजाप्रसाद कोइरालाले जीवनको उत्तरार्दमा सहमति, सहकार्य र एकता मात्रै किन भनेको होला, नबुझेर त होइन होला नि भन्ने गर्थे म तर हाइ०न रहेछ ।’

उनले प्रष्टै नभने पनि भरतपुरमा यसपटक पनि स्थानीय निर्वाचनमा गठबन्धन हुनुपर्ने आशय प्रकट गरेका थिए । अध्यक्ष प्रचण्डले भाषणको अधिकांश समय मेयर रेनु दाहालको कामको प्रशंसामा खर्चिएका थिए ।