भक्तपुरमा बसले मोटरसाइकललाई ठक्कर दिँदा एक जनाको मृत्यु

१२ चैत काठमाडौं । भक्तपुरमा बसले मोटरसाइकललाई ठक्कर दिँदा एक जनाको मृत्यु भएको छ । राधेराधेबाट सल्लाघारीतर्फ जाँदै गरेको बा ४ ख २००१ नम्बरको बसले प्रदेश नम्बर ३–०२–००६ प ६११४ नम्बरको मोटरसाइकललाई भक्तपुर नगरपालिका १ सिर्जनानगरमा ठक्कर दिएको हो ।

मोटरसाइकल चालक चाँगुनारायण नगरपालिका वडा नम्बर ८ का रमेश तिमल्सिनाको  मृत्यु भएको प्रहरीले जनाएको छ ।