एमाले स्थायी कमिटी बैठक बस्दै, स्थानीय निर्वाचनको विषयमा छलफल हुने

१३ चैत काठमाडौं । नेकपा एमालेको स्थायी कमिटी बैठक आजदेखि सुरु हुँदैछ ।

बैठक अपरान्ह ३ बजे महाराजगञ्जस्थित रोयल दरबार रेष्ट्रो एन्ड भेन्युमा बस्न लागेको हो । केन्द्रीय प्रचार विभागका उपप्रमुख विष्णु रिजालका अनुसार बैठकमा केही दिनअघि सकिएको केन्द्रीय कमिटीले पारित गरेका विषयवस्तुमा आधार रहेर छलफल हुनेछ ।

बैठक स्थानीय तह निर्वाचन केन्द्रित रहने उनले जानकारी दिए । रिजालका अनुसार निर्वाचन केन्द्रित ठोस कार्ययोजना बनाएर पार्टीलाई निर्वाचनमा परिचालन गर्ने योजना बैठकबाट तय गरिनेछ ।