अन्तिम नामावलीमा एक लाख मतदाता घटे, एक करोड ७७ लाखभन्दा बढीले मतदान गर्ने

१३ चैत, काठमाडौं । स्थानीय तहको निर्वाचनमा दाबी विरोधपछि एकलाख मतदात घट्ने भएका छन् । निर्वाचन आयोगले आज सार्वजनिक गर्ने मतदाता नामावाली सूचिमा उक्त संख्यामा मतदाता घट्ने भएका हुन ।

आयोगले स्थानीय तहको निर्वाचनको लागि मतदाता नामावलीको अन्तिम सूची आज प्रकाशित हुने गर्दैछ । आयोगका अनुसार दाबी विरोधपछि करिब एक लाख मतदाता घटेका छन् भने आगामी स्थानी तह निर्वाचनमा करिब एक करोड ७७ लाखभन्दा बढी मतदाताले मतदान गर्न पाउने छन् ।

मतदाता नामावली ऐनअनुसार अद्यावधिक मतदाता नामावली प्राप्त भएको मितिले ३५ दिनभित्र पुनरावलोकन गरी प्रकाशन गर्नुपर्नेछ । यसरी अन्तिम नामावली प्रकाशन भइसकेपछि कुनै प्रकारबाट हेरफेर, थपघट वा सच्याउन पाइने छैन ।